Жастар мен құрылысшылар марапатталды

"Qazag eli" мәдени-демалыс саябағында халықаралық Жастар күні мен Құрылысшылар күні мерекесіне арналған салтанатты шара өтті.

Шарада Исатай аудан əкімінің міндетін атқарушы Болатбек Сисатов жиналған аудан халқын жəне кəсіби мерекеге орай бір топ мамандарды құттықтап, гүл шоқтарын ұсынды. Сонымен бірге, "Нұр Отан" партиясы Исатай аудандық филиалы төрағасының бірінші орынбасары Айбатыр Бекішұлы да марапаттар табыс етті.

jascon1

Аудандық жастар ресурстық орталығының басшысы Ринат Есқали өңірдің белсенді жастарын мерекемен құттықтап, жылы лебізін арнады және жастар ұйымы атынан алғыс хаттар ұсынды. Марапатталғандардың ішінде Нарын ауылдық округінің жастар жұмыс жөніндегі маманы Айнұр Қуанышқалиқызы, "Мейірім" еріктілер клубының жетекшісі Айнұр Қайралиева, Аққыстау мектебінің денешынықтыру пəнінің мұғалімі, жас спортшы Абзал Қуанышев, республикалық "Айбын" əскери-патриоттық ойындарының жеңімпазы Əлішер Сұлтан, ауданымыздың белсенді жастарының бірі, "Жас тілші" ұйымының жетекшісі Айкөркем Нұрғалиқызы бар.

Шараның екінші бөлімі аудан жастарының дайындаған мерекелік сазды бағдарламасымен жалғасты. Кеште жастарымыз дəстүрлі және гитараның сүйемелдеуімен жанды дауыста əндер шырқады. Ұлттық және заманауи билер де көрініс тапты. Онымен қоса, жас ақын Еркебұлан Уалитханұлы жалындаған жастарға жыр шумақтарын арнады. Аудан халқына ерекше көңіл-күй сыйлаған мерекелік шара ауданның алдыңғы қатарлы өнерпаздарының орындауындағы Жастар жылына орай жақында жарық көрген «Исатай жастары» әнімен түйінделді.

Шара мерекелік отшашуға ұласты.

Айкөркем НҰРҒАЛИҚЫЗЫ

COVID 19

covid

Күнтізбе

маусым 2020
ПВСЧПСВ
1234567
891011121314
15161718192021
22232425262728
2930

Бейнебаян жаңалығы

Aqprint

Байланыс номерi :     +7 701 666 27 49     +7(7122) 45-85-21