Биыл жарияланған Жастар жылында аудан жастарының басын қосатын біздің жастар ресурстық орталығы мейілінше белсенділік танытып, қоғамдық жұмыстарға ауыл-елдегі жастарды тартуда.

«Жасыл қала – жасыл ауыл» жалпыұлттық жобасы аясында Исатай ауданы жастары аудан орталығы – Аққыстау ауылында 26 мамыр күні «Экоchallenge» экологиялық акциясын ұйымдастырды. Акцияның негізгі мақсаты жастардың экологиялық мәдениетін арттыру, табиғатқа деген сүйіспеншілігін қалыптастыру, ауыл тазалығын сақтауға шақыру болатын.

Акция кезінде Аққыстау ауылындағы Бақсай өзегінің бойы тұрмыстық қалдықтардан тазартылды. Аталған шараға 30-дан астам белсенді ауыл жастары қатысты.

Жиналған жер емес, қоқыс тастамаған жер таза болады. Осыны ауылдастарымыз ұғына жүрсе дейміз.

Ринат Есқали,

аудандық жастар ресурстық орталығының басшысы