Исатай аудандық білім бөліміне қарасты 10 мектепте «Эко-сағат» кең көлемді республикалықакциясы аясында іс-шара өтті.
Акцияда алдымен оқушыларға арнайы дайындалған қоршаған ортаны қорғау бағытында слайд, бейнероликтер көрсетілсе, кейін әр мектеп өз аулаларына 20 түптен «Құрманғазы» орман және жануарлар дүниесін қорғау жөніндегі коммуналдық мемлекеттік мекемесінен әкелінген барлығы 200 қара ағаш көшетін отырғызды.
Шарада сөз алған аудандық білім бөлімі әдіскерлер кабинетінің меңгерушісі Шолпан Хамзина облыс бойынша өткен эко-сабақ мақсатының оқушыларды қоршаған ортаға жауапкершілікпен қарап, оларды еңбексүйгіштікке, өздері отырғызған көшеттерді күтіп, баптауға және қамқорлауға шақыратынын атады.
Нұрлан Мұрат
