Қаңтар оқиғасына қатысты мәселе депутаттардың ұдайы назарында болады – Ерлан Қошанов

АСТАНА. ҚазАқпарат – Мәжіліс қаңтар оқиғасының жай-жапсарын талдап-талқылауды жалғастырады. Бұл туралы Мәжіліс төрағасы Ерлан Қошанов айтты, деп хабарлайды ҚазАқпарат тілшісі.

«Бүгін Парламент Мәжілісінің осы жылдағы қорытынды жалпы отырысын өткізіп отырмыз. Бір жыл ішіндегі оқиғалар мемлекеттің, қоғамның болмысы мен табиғатын түбегейлі өзгертті десек, артық айтқандық емес. Жыл басындағы «қаңтар оқиғасы» бәріміз үшін ауыр сынақ әрі сабақ болды. Сол сынақтарға жауап ретінде, Мемлекет басшысы Қасым-Жомарт Кемелұлы Тоқаев елде кең көлемді әрі батыл саяси реформаларды қолға алды. Бұл оң өзгерістерді Жалпыхалықтық референдумда азаматтарымыздың қызу қолдағанына бәріміз куәміз. Өздеріңіз де білесіздер, қазіргі уақытта ел азаматтарының ертеңгі күнге деген үміті оянып, сенімі артып келеді. Ең бастысы, біз осы сенімді жоғалтып алмауымыз керек», - деді Е. Қошанов Мәжілістің жалпы отырысында.

Оның айтуынша, биыл Мәжіліс қарауында 154 заң жобасы болды. Соның 93-і талқыланып, Сенатқа жолданған. Бұл құжаттардың 75-іне Президент қол қойды.

«Алғаш рет Мәжілісте «қаңтар оқиғасын» тергеу барысының алдын ала қорытындысын ашық түрде тыңдадық. Тәуелсіз Қазақстан тарихының ең бір қайғылы парағына айналған қанды оқиғаның жай-жапсарын талдап-талқылау жалғаса бермек. Бұл күрделі мәселе депутаттардың ұдайы назарында болады. Жаңа жыл басындағы алғашқы жиындардың бірінде оған тағы да арнайы ораламыз. Сонымен қатар біз осы жылдың ішінде барлық өңірлерде, ауыл-аймақта болдық. Жұртшылықтың мұң-мұқтажын бөлісіп, ашық, қоян-қолтық жұмыс істедік. Осы үрдіс алдағы уақытта да белсенді түрде жалғасуы керек деп санаймын», - деді Мәжіліс төрағасы.

Сонымен қатар ол 2023 жылы Парламент Мәжілісі өз жұмысын жаңа конституциялық жағдайда бастайтынын еске салды. Мәжіліс заңдарды дербес қабылдайтын болады.

 

Фото: parlam.kz

Сайлау

ybory-2023-price

Сұрақ Жауап

Вакцинаға көзқарасыңыз қалай?

ЖАҚСЫ КІТАП - ЖАН АЗЫҒЫ

Aqprint

Байланыс номерi :     +7 702 132 03 32      +77122458521

Меншік иесі: «Атырау-Ақпарат» ЖШС

Қазақстан Республикасының Ақпарат және коммуникациялар
министрлiгiнде 2018 жылы 16 мамырда тіркеліп, №17102-г куәлік берілген.

Редакцияның мекенжайы: Исатай ауданы,
Аққыстау ауылы, Егемен Қазақстан көшесі, 12-үй.

Байланыс телефондары: 8 (71 231) 2-01-68,
2-01-52, факс 2-01-68.

Электронды пошта: naryn_tany2009@mail.ru

Яндекс.Метрика