Әбекең де ардагерлер сапында

«Атырау-Ақпарат» жауапкершілігі шектеулі серіктестігінде өткен жылжабар жиындардың бірі ардагер әріптестерді ұлығылауға арналып, көптің көңілінде әдемі әсер қалдырды.

Серіктестік директоры Қайрат Әбуов сөз сөйлеп, ардагер әріптестерге ізгі ниетін арнаған, облыстық филармония әншілері болса әннен шашу шашқан салтанатта құрмет көрушілердің ортасында әріптесіміз, 30 жылға жуық уақыттан бері «Нарын таңының» жүгін бір кісідей көтерісіп-ақ келе жатқан фототілші Әбілмажан Шарапиденов те болды.

Әрине, жиынға жиналған қай-қай ардагердің де еңбегі еректігін жоққа шығаруға болмайды. Олардың баршасына да соған лайық сый-құрмет көрсетіліп, арнайы дастархан жайылды, мерейін асырар марапаттар ұсынылды.

Әріптесіміз Әбекеңе де сол салтанат барысында облыстық ішкі саясат басқармасының Алғыс хаты табысталды, «Атырау-Ақпарат» ЖШС ардагерлер кеңесінің мүшелік билетін иеленді, медиахолдингтің ескерткіш сыйлығы – өз фотосуреттері жинақталған альбом-кітапша да тапсырылды.

Жоламан ДӘУЛЕТИЯР

COVID 19

covid

Күнтізбе

шілде 2020
ПВСЧПСВ
12345
6789101112
13141516171819
20212223242526
2728293031

Бейнебаян жаңалығы

Aqprint

Байланыс номерi :     +7 701 666 27 49     +7(7122) 45-85-21