Айсана жеңімпаз атанды

Исатай Тайманұлы атындағы музей мен аудандық жастар ресурстық орталығының бірлесе ұйымдастыруымен «Ұлы дала елі – Тәуелсіздіктің негізі» атты Тәуелсіздік күні мерекесіне арналған жыр мүшәйрасы болып өтті.

Жыр сайысына қатысқан жас қаламгерлер алғашқы айналымда алдын ала берілген тапсырма бойынша Тәуелсіздік тақырыбындағы жыр жолдарын ұсынды. Ал, екінші айналымда қатысушылардың жүйріктігін, тапқырлығын анықтау мақсатында қазылар берген екі жол өлеңді ұйқасты сақтай отырып жалғау тапсырылды. Қорытындыда екі тур бойынша да ерекшеленген Абай атындағы орта мектептің 9-сынып оқушысы Айсана Қуаталиева мүшәйраның жеңімпазы атанды. Екінші орынды осы мектептің 7-сынып оқушысы Әйгерім Қуанышкерей еншіледі.

Ал, Аққыстау орта мектебінің 7-сынып оқушысы Бегім Зейнеден үшінші орынды иеленді. Жеңімпаздар мен жүлдегерлерге марапаттар табыстаған қазылар жас ақындарға игі тілектерін арнап, ұйымдастырушыларға ризашылықтарын білдірді.

Серікбол БЕРІКБАЙ

COVID 19

covid

Күнтізбе

шілде 2020
ПВСЧПСВ
12345
6789101112
13141516171819
20212223242526
2728293031

Бейнебаян жаңалығы

Aqprint

Байланыс номерi :     +7 701 666 27 49     +7(7122) 45-85-21