2 ақпаннан бастап Аққыстау ауылының ішкі қоғамдық көлік жүйесінде және елді мекендерге қатынайтын жолаушылар тасымалында маршруттық реттік сандар өзгеріске ұшырады. Бұл жаңашылдық тұрғындардың өтініш-тілектері мен көлік қатынасының тиімділігін арттыру мақсатында енгізіліп отыр.
Аққыстау ауылы ішіндегі жаңа маршруттар
Енді ауыл ішіндегі қоғамдық көліктер төмендегі бағыттар бойынша қызмет көрсетеді:
• А1 – Теміржол вокзалы – Сельхоз ықшамауданы
• А2 – Теміржол вокзалы – Қаратүбек ықшамауданы
• А3 – Теміржол вокзалы – Өркен ықшамауданы
Исатай аудандық тұрғын үй-коммуналдық шаруашылығы, жолаушылар көлігі, автомобиль жолдары және тұрғын үй инспекциясы бөлімінің басшысы Нұрбол Жампейсовтың айтуынша, тұрғындардың сұранысына сәйкес, А1 (Теміржол – Сельхоз) және А3 (Теміржол – Өркен) бағыттарына қосымша бір-бірден қоғамдық көлік шығарылып, жолаушыларға қолайлы жағдай жасалмақ.
Елді мекендерге қатынайтын маршруттар
Сонымен қатар Аққыстау ауылынан көршілес елді мекендерге қатынайтын маршруттардың реттік сандары да жаңартылды:
• А4 – Аққыстау ауылы – Тұщықұдық ауылы
• А5 – Аққыстау ауылы – Х. Ерғалиев ауылы
• А6 – Аққыстау ауылы – Жанбай ауылы
• А7 – Аққыстау ауылы – Нарын ауылы
• А8 – Аққыстау ауылы – Исатай – Зинеден ауылы
Жаңа маршруттық жүйе қоғамдық көлікті пайдалану барысын жеңілдетіп, тұрғындардың бағыттарды шатастырмай, уақытты үнемдеуіне мүмкіндік береді.
Жолаушылардан жаңа реттік сандарды ескеріп, қоғамдық көліктерді пайдалану барысында назарда ұстау сұралады.
