Абай атындағы орта мектептің 7-8 сыныбын бітірген бір топ оқушы Исатай аудандық «Нарын таңы» газетінің жұмыс барысымен танысты.
Кездесуде газеттің бас редакторы Аяпберген Салихов оқушыларға төл басылымның тарихы мен оны әр жылдары басқарған қызметкерлер туралы әңгімелеп, өндірістік-шығармашылық жұмыстың барысын сөз етті.
Кездесуге келген оқушылар да жалпы журналистикаға, газет өндірісіне қатысты өздерін қызықтыратын сауалдарын қойды.
Сондай-ақ газеттің кезекті санын дайындау сәтімен танысқан оқушылар беттеу-дизайн бөлімінің жұмысына қанық болды.
Редакция басшысы оқушыларға ізгі тілегін арнап, газетті жиірек оқу арқылы ауданның тыныс-тіршілігін біліп, өлке тарихын зерделей алатындықтарын атап өтті.
Сағыныш ҚАЙЫР
