Бүгін аудандық орталық кітапхана сөресі тағы бір кітаппен толықты.

Аудандық тұрғын үй-коммуналдық шаруашылығы, жолаушылар көлігі және автомобиль жолдары бөлімінің басшысы, «Ауыл» халықтық-демократиялық партиясы аудандық филиалының төрағасы Болатбек Сисатов «Алтын тұғыр» атты үш томдық кітапты кітапхана ұжымына сыйға тартты. Бұл кітапқа «Ауыл» партиясы және «Казконтент» АҚ, «Әдебиет» порталының ұйымдастыруымен жыл сайын дәстүрлі түрде өтетін, ауыл тақырыбына арналған «Ауылым – алтын тұғырым» атты әдеби-онлайн байқауында үздік танылған поэзия, проза, драматургия жанрларындағы туындылар енгізілген.

Әйгерім ҚҰБАЕВА.