Исатай ауданында 5-6 және 7-10 жас аралығындағы балалар арасында аудандық «Балапан жұлдыз-2020» ән байқауы өткізілді.
«Жалын» мәдениет үйінің ұйымдастыруымен өткен ән байқауының алғашқы кезеңінде патриоттық, екінші бөлімде еркін тақырыптағы әндер шырқалды.
Байқау көпшілікке «Жалын» мәдениет үйінің әлеуметтік желідегі ресми парақшалары арқылы ұсынылды.
Байқау нәтижесінде бас жүлде Әмина Қожабергенге бұйырды. Ал, 5-6 жас аралығында 1 орын Аякөз Еркінғали, 2 орын Дильнара Дәулетқызы, 3 орын Шаттық Лұқпан иеленді. 7-10 жас аралығындағы балғын өнерпаздар арасынан 1 орын Темірлан Еркінге, 2 орын Қарақат Темірге, 3 орын Нұрәлі Сағынәліге ұсынылды.
Көрермендер көзайымы номинациясын Айзере Нұрғуат, Эльнара Қадірхан иеленді. Жеңімпаз, жүлдегерлерге дипломдар мен ақшалай сыйлықтар табыс етілді.
Әділбек СЫРЫМОВ
