Жамбыл облысы, Шу қаласында бокстан кіші жасөспірімдер арасында өткен ел чемпионатында исатайлық жас боксшы сынға түсті.
Исатай балалар-жасөспірімдер спорт мектебінің шәкірті, аққыстаулық Алмас Хинекин 2006 жылы туған жасөспірімдер арасында 34 келі салмақ дәрежесінде өнер көрсетті.
Нәтижесінде үшінші орынға қол жеткізіп, қола медальды қанжығалады. Жас боксшының бапкері - Исатай БЖСМ бокс бөлімінің жаттықтырушысы Аманғали Өтегенов.
Айта кетейік, бұл ҚР чемпионатына Атырау облысынан 6 боксшы катысып, 2 спортшы үшінші, 1 спортшы екінші орындарды иеленді.
Серікбол ПАНАБЕРДИЕВ
