banner_damu

Ардагер мұнайшыны еске алды

Құрмет белгісі орденінің иегері, ардагер мұнайшы Ислаш Молдағалиевтің туғанына 90 жыл толуына орай И.Тайманұлы атындағы тарихи-өлкетану музейі ғимаратында тағылымды кездесу өтті.

Кездесу кешінің қонақтары ретінде марқұм Ислаш Молдағалиевтің туысқан інілері Жансих Маштахов және Бердеш Құспанов ағаларымыз шақырылды. Одан бөлек, Аққыстау орта мектебінің 9-сынып оқушылары қатысты.

c2c18b57-389b-4df7-bc06-63b66e5d07ab

Тәлімді ғибратқа толы бұл кездесуде Жансих Маштахов және Бердеш Құспанов ағаларымыз марқұм Ислаш Молдағалиевті еске алып, оның өмірінен сыр шертіп, еңбек жолын, оның ішінде мұнай өндіру саласында ұзақ жылдар абыройлы еңбек етіп, сол саланың дамуы жолында өзіндік қолтаңбасын қалдырғанын мектеп оқушыларына үлгі-өнеге ретінде паш етті. Сондай-ақ тағылымды кездесуде ғимарат залына Ислаш Молдағалиевтің көптеген естелік суреттері қойылған көрме ұйымдастырылды. Музейдің қор сақтаушысы Гүлнәз Қабдрахманова кездесуге қатысушыларды көрмеге қойылған естелік суреттермен таныстырып, олардың музей қорына қалай жеткізілгенін баяндады.

f

Тағылымды кездесу соңы Ш.Шәріпов атындағы балалар саз мектебінің ұстаздарының орындауындағы «Ақжелең», «Ерке сылқым» күйлерімен жалғасын тапты. Оқушылар кездесудің мазмұнды өтіп, өздері үшін әсерлі болғандығын айтып, ризашылықтарын білдірді.

Әділбек СЫРЫМОВ

ЕЛБАСЫ КІТАПХАНАСЫ

biblioteka-pervogo-prezidenta-kz

COVID-19 инфекциясы

Aqprint

Байланыс номерi :     +7 775 798 46 24     +7(7122) 45-85-21

Меншік иесі: «Атырау-Ақпарат» ЖШС

Қазақстан Республикасының Ақпарат және коммуникациялар
министрлiгiнде 2018 жылы 16 мамырда тіркеліп, №17102-г куәлік берілген.

Редакцияның мекенжайы: Исатай ауданы,
Аққыстау ауылы, Егемен Қазақстан көшесі, 12-үй.

Байланыс телефондары: 8 (71 231) 2-01-68,
2-01-52, факс 2-01-68.

Электронды пошта: naryn_tany2009@mail.ru

Яндекс.Метрика