Атырауда 7 мың балаға жаңа жылдық сыйлықтар үлестірілді

Жаңа жыл қарасаңында Атырау облыстық волентерлер штабы «Шын жүректен» акциясы аясында атыраулық балақайларға 7 мың дана сыйлық дайындады. Тіл үйірер тәттілер мен ойыншықтардан құралған Жаңа жылдық сыйлықтар ерекше балалары бар отбасыларға табысталады.

Атырау облыстық волентерлер штабының жетекшісі Әйгерім Досқалиеваның айтуынша, бұл акция Атырау облысы әкімдігінің тікелей қолдауымен жүзеге асып отыр. Атыраулық еріктілер тобының балаларға арнаған базарлықтары аудандық әкімдіктер және мектеп әкімшіліктері арқылы таратылуда. Бүгін осы сыйлықтардың бір бөлігі Атырау қаласындағы отбасыларға үлестірілді.

- Қайырымдылықты ешкім де, қай кезде де тоқтата алмаған. Пандемия кезінде де мұндай шаралар облыс бойынша жүйелі түрде жүзеге асып тұрды. Дана қазақ «берсең балаға бер» деп тегін айтпаған. Қыркүйек айында да үнемделген қаражат есебінен көп балалы отбасыларға облыс әкімдігі тарапынан да, демеушілердің қолдауымен де көмектер ұйымдастырылған еді. Қазір облыста 4 мыңға жуық ерекше бала бар. Жаңа жыл қарсаңында Атырау облысы әкімдігінің бастамасымен, демеушілердің көмегімен олардың тек өздері емес, отбасындағы барлық балаға сыйлық беру ұйғарылды. Бұл миссия арқылы біз 7 мыңнан астам сыйлықты ерекше балаларға және олардың отбасындағы барлық балалар үшін үлестірілуде. Біздің басты көмекшіміз – еріктілер штабы. Жаңа жылға дейін қайырымдылық акциясын жалғастыру арқылы әр балаға қуаныш сыйлау – біздің басты мақсатымыз, - деді осы шараға қатысқан  Атырау облысы әкімінің орынбасары Бақытгүл Хаменова.

ФОТОГАЛЕРЕЯ

БІРІҢҒАЙ МЕМЛЕКЕТТІК БАЙЛАНЫС

Aqprint

Байланыс номерi :     +7 702 132 03 32      +77122458521