Құрметті аудан тұрғындары!
Сіздерді Қазақстан Республикасының Конституциясына 30 жыл толуымен шын жүректен құттықтаймын!
Ата Заңымыз – мемлекетіміздің мызғымас тұғыры, халқымыздың теңдігі мен бірлігінің айқын кепілі. Тәуелсіздіктің алғашқы жылдарында қабылданған бұл құжат еліміздің еркіндікке негізделген даму жолын айқындап, демократиялық қағидаттар мен азаматтық құқықтардың берік қорғалуына жол ашты.
Осы жылдар ішінде Конституция қоғамдағы тұрақтылық пен татулықтың, елдің өркендеуі мен ілгерілеуінің берік тірегіне айналды. Бүгінгі бейбіт өміріміз бен жеткен жетістіктеріміз – Ата Заңды ардақтап, оны құрметтеп, соның талаптарын орындаудың жемісі. Елдік мүддеге адал қызмет етіп, ортақ Отанымыздың болашағына үлес қосу – әрқайсымыздың қасиетті парызымыз. Баршаңызға амандық, отбасыларыңызға береке-бірлік тілеймін. Тәуелсіз Қазақстанымыздың абыройы асқақ, келешегі жарқын болсын! Мерекелеріңіз құтты болсын!
Нұрым МУСИН,
аудан әкімі
