Исатай аудандық "Нарын таңы" газетінің ұжымына аудан әкімі Нұрым Мусин бастаған топ өкілдері арнайы ат басын бұрып, кәсіби мерекеге орай жылы лебізін білдіріп, құттықтады.
-Бүгінгі нарықтық заманда өмірді байланыс және бұқаралық ақпарат құралдарынсыз елестету мүмкін емес. Мемлекетіміздің абыройын асқақтатып, жан-жақты даму жетістіктерін насихаттауда бұқаралық ақпарат құралдарының рөлі қашанда жоғары.Аудан көлемінде болып жатқан саяси-мерекелік шаралар мен игілікті істердің еш кідіріссіз газет бетінде жарық көруі тұрғындарды ерекше ықыласқа бөлейді. Ауданымыздың тілшілер қауымы қоғам тарапынан артылған маңызды жауапкершілікті абыроймен атқаруда. Сіздер арқылы аудан халқы тың жаңалықтар мен қажетті ақпарат алады,- деген аудан әкімі ұжымға шығармашылық табыс тіледі.
Сондай-ақ, мерекеге орай Нарын таңы газетінің бас редакторы А.Салиховқа алғыс хат пен естелік сыйлық тарту етті. Одан бөлек, “Caspian News” телеарнасының аудандағы меншікті тілшісі, операторы Е.Шеруеновті де құттықтап, алғыс хатын тапсырды.
Сонымен қатар, аудандық “Жастар ресурстық орталығы” басшысы Н. Әтелов жас журналист С.Қайырға аудан жастары атынан құттықтауын жеткізіп, марапатын ұсынды.
