Келесі аптада елімізде маңызды діни мерекелердің бірі - Құрбан айт аталып өтеді.

Бұл күні мұсылмандар айт намазын оқып, құрбан шалады. Құрбан айт мерекесі отыз күн оразадан соң 70 күннен кейін үш күн бойы тойланатыны белгілі.

Қазақстан Республикасының заңнамасына сәйкес елімізде айттың алғашқы күні ғана мерекелік демалыс болып белгіленеді. Сондықтан да, сейсенбідегі мерекелік демалыс себепті, сенбі күні (25-тамыз) қазақстандықтар жұмыс жасайды. Осыған орай тамыз айының 20, 22, 23, 24, 25-і күндері жұмыс, ал, 26-сы күні демалыс болып саналады.

Тамыз айының аяғында демалыс көп болмақ - еліміздің Конституциясы күнін отандастарымыз тамыздың 30, 31-і күндері мерекелесе, 1, 2-сі күндері аптаның кезекті демалысына жалғасады.

Серікбол ПАНАБЕРДИЕВ.