Биыл «Бір ел – бір кітап» республикалық акциясының аясында белгілі балалар жазушысы Бердібек Соқпақбаевтың шығармашылығы таңдалды. Осы орайда аудандық білім бөлімінің ұйымдастыруымен Өркен орта мектебінде «Балалар әдебиетінің бәйтерегі» атты 6-8 сынып оқушылар арасында байқау өтті. Кеште жазушының шығармаларының ішіндегі бала жүрегіне жол тапқан үздік туындылары көрініс тапты.
Акцияның мақсаты – ұлттық әдебиетіміздегі ең үздік деген туындыны оқу және насихаттау, қазақ әдеби мұрасын зерттеуге деген қызығушылықты дамыту, қоғамның оқуға деген ықыласын көтеру, сонымен қатар жасөспірімдердің зияткерлік-рухани дамуына ықпал жасау. Бұл байқауға аудан бойынша 23 окушы қатысып, жақсы нәтижелі орынға ие болды. Атап айтсақ, 6 сынып оқушылары арасынан Ғ.Мәсәлімов атындағы орта мектебінен Мақсат Жұбаныш 1-орын, Аққыстау орта мектебінен Наргиз Каким және Ж.Мырзағалиев орта мектебінен Аршат Қуаныш – 2 орын, Новобогат орта мектебінен Айкерім Қуанғали, Х.Нәубетов орта мектебінен Аружан Зейнеш, Ю.Гагарин орта мектебінен Арайжан Айсабекқызы 3- орын иеленді.
7-сынып оқушылары бойынша Х.Нәубетов орта мектебінен Сүйрік Шакимаралқызы -1 орын, Өркен орта мектебінен Саяна Шағыр, Ж.Мырзағалиев орта мектебінен Гүлім Нұрлыбекқызы –2 орын иеленсе, Новобогат орта мектебінен Бексұлтан Жасұланұлы, Ғ.Мәсәлімов орта мектебінен Айқаракөз Қабдел, Мектеп-гимназиядан Жанерке Өтегенқызы жүлделі 3-орынмен марапатталды.
8-сынып оқушылары бойынша Ғ.Мәсәлімов атындағы орта мектебінен Еркенұр Төлеуғали 1-орын, Х.Наубетов орта мектебінен Балнұр Болат және Ф.Оңғарсынова орта мектебінен Жанайым Жұбандық 2-орын, ал Аққыстау орта мектебінен Айдана Русланқызы 3-орынға ие болды. Сондай-ақ, басқа да оқушылар ұйымдастырушылардың арнайы Алғыс хатымен марапатталды.
