Тамыры бір, тағдыры ортақ елдер ынтымағы – болашаққа бағытталған берік көпір.
Қазақстан мен Әзербайжан арасындағы бүгінгі жоғары деңгейдегі кездесу – бауырлас халықтардың ғасырлар бойғы байланысын жаңа мазмұнмен байытқан маңызды оқиға. Мемлекет басшысы Қасым-Жомарт Тоқаев пен Президент Ильхам Әлиевтің келіссөзі тек ресми сипаттағы жүздесу емес, екі елдің тарихи рухани туыстығын, ортақ мүддесін тереңінен айқындаған мәні зор кездесу болды.
Қасым-Жомарт Тоқаевтың:
“Қазақстан мен Әзербайжан тек достас елдер емес, бауырлас халықтар”
деген сөзі – елдер арасындағы берік сенім мен өзара құрметтің айғағы.
Ал Ильхам Әлиевтің Қазақстандағы реформаларға жоғары баға беруі мен елдің тұрақты даму бағытын қолдауы – екіжақты сенімді серіктестіктің нақты дәлелі.
Келіссөздер барысында тараптар сауда-экономикалық және инвестициялық байланысты кеңейту, ауыл шаруашылығы мен көлік-транзит саласындағы ықпалдастықты тереңдету, сондай-ақ мәдени-гуманитарлық қатынастарды жаңа деңгейге шығару мәселелерін егжей-тегжейлі талқылады. Бұл бағыттардағы нақты жобалар түркі әлеміндегі интеграцияны жандандырып, Орталық Азия мен Кавказ арасындағы алтын көпір болмақ.
Сондай-ақ мемлекет басшылары аймақтық және жаһандық мәселелерге ортақ көзқарас танытып, өңірдегі бейбітшілік пен тұрақтылықты сақтау жолындағы бірлікті тағы бір мәрте дәлелдеді.
🔹 Бұл кездесу – бауырластықтың, өзара қолдаудың және сенімді серіктестіктің нақты көрінісі.
🔹 Қазақстан мен Әзербайжан ынтымағы – түркі дүниесінің өркендеуіне, ортақ құндылықтар мен бірлік идеясының беки түсуіне қызмет ететін тарихи серпін.
Түбі бір түркі елдерінің татуластығы мен түсіністігі – болашақтың баянды кепілі.
Ақтоты ҚОСАЙҚЫЗЫ
Ветеринариялық зертхана лаборанты
