Аққыстау ауылдық округіндегі №134 сайлау учаскесінде алғашқы дауыс беруші өз таңдауын жасады,-деп хабарлайды "Нарын таңы" газеті.
Қарапайым еңбек адамы Жайнат Шеруенов учаскелік сайлау комиссиясының мүшелеріне сәттілік тілеп, ауыл әкімін сайлауда алғашқы болып дауыс берді.
-Бұрын да мұндай саяси науқандарға келіп, өз таңдауымды жасап жүрмін. Бұл жолы да Қазақстан азаматы ретінде, ауыл тұрғыны ретіне өзіндік үлесімді қостым. Мұндай саяси науқандарға үн қосу әрбір саналы азаматтың парызы деп ойлаймын,-дейді ол.
№134 сайлау учаскесінің комиссия төрағасы Ақжол Елубайұлының айтуынша, мұнда 1330 дауыс беруші тіркелген.
