Президент Қасым-Жомарт Тоқаевтың парламенттік реформа жөніндегі мәлімдемесі – елдің саяси жүйесін жетілдіру бағытындағы жаңа кезеңнің бастамасы деуге болады.
Бұл жолы Мемлекет басшысы «Парламенттік реформа – халық тағдырына тікелей қатысы бар мәселе» деп нақты атап өтті. Бұл сөздің астарында үлкен мән жатыр. Өйткені, Парламент – халықтың еркін білдіретін, елдің заңдық негізін қалыптастыратын басты институт. Демек, оның қызметін жетілдіру – мемлекеттің даму бағытын айқындайтын шешуші тетік.
Жаңа Жұмыс тобының құрамына түрлі сала мамандарының, заңгерлер мен ғалымдардың, қоғам қайраткерлерінің енуі де реформаның кең талқыланып, жан-жақты сараланатынын көрсетеді. Бұл – ашықтық пен көпжақты пікірдің басымдығын білдіретін оң қадам.
Парламенттік реформаның басты мақсаты – өкілетті биліктің тиімділігін арттырып, халық сенімін нығайту. Яғни, шынайы демократияның негізін бекемдеу.
Мемлекет басшысы атап өткендей, парламенттік реформа – тек саяси институтты өзгертудің емес, тұтас ел дамуының, қоғамдағы сенім мен жауапкершіліктің өлшемі. Парламент – халықтың мүддесін қорғап, ел тағдырына тікелей ықпал ететін құрылым. Сондықтан оның жұмысын замана талабына сай бейімдеу – уақыт талабы.
Жұмыс тобының құрамында түрлі көзқарастағы, түрлі саладағы мамандардың болуы реформаның формалды емес, шынайы қоғамдық пікірге сүйене отырып жүргізілетініне сенім ұялатады. Бұл – билік пен қоғам арасындағы диалогтың нақты көрінісі.
Парламенттік реформа нәтижесінде заң шығару мәдениеті жаңарып, саяси жауапкершілік күшейіп, халық үні нақты естілетін жүйе қалыптасуы тиіс.
Яғни, бұл бастама — демократиялық жаңғырудың жаңа белесі, мемлекеттілікті нығайту жолындағы маңызды әрі тарихи шешім.
Қорытқанда, бұл бастама саяси жүйені жаңғыртудың жалғасы ғана емес, билік пен қоғам арасындағы өзара жауапкершілікті күшейтетін жаңа белес болмақ.
Қамбар ЖАҒЫПАРОВ
шаруагер
