"Әділетті Қазақстан" орнықтыру жолындағы реформалардың бір көрінісі - Қазақстан Республикасы Парламенті Мәжілісі мен жергілікті мәслихаттар депутаттарын сайлауы да өткізілді. Бұл сайлаудан халықтың күткені мен үміті зор еді. Сайлауға дайындық пен өткізу кезінде оң өзгерістердің куәсі болдық деп есептейміз. Жаңадан саяси партиялар тіркеліп, олар сайлау қорытындысында Мәжіліске еніп жатыр, өзін өзі ұсынғандар көп болып, бәсекелестік туды. Халық тандағандарына дауыс берді.

Қазақтың көрнекті ақыны Қадыр Мырза Әлі: "Соғыстан кейін батырлар жерленеді. Сайлаудан кейін Депутаттар уәделері жерленеді" деген екен. Ендігі міндет тіпті ауыр. Сайлаушылар саяси партиялар мен Депутаттыққа үміткерлердің сайлауалды бағдарламалары мен уәделерін орындауда табанды, жаңашыл іс-қимыл күтеді.

Мәди Өтеғалиев,

мемлекеттік қызметтің ардагері