Исатай ауданында ерікті өрт сөндіру жасақшыларын орман және дала өрттерінің алдын алу және жою бойынша оқыту семинары өттті. Оған 88 адам қатысты. 

Аталған семинар кезінде Алматы қаласында орналасқан «Атамекен оқыту орталығы» ЖШС-нің инженер педагог маманы М.Бердіқұлов дала өрттерінің алдын алу және оны жою, өрт қауіпсіздігінің әр түрлі тақырыптарына сай жүйелі профилактикалық жұмыстарын қалай жүргізу немесе ұйымдастыру және өрт қауіпсіздігі ережелерін сақтау туралы теориялық-тәжірибелік нұсқамалармен оған қатысушыларды тереңірек таныстырып, жан-жақты мағлұмат берді.