Бүгін Исатай аудандық полиция бөлімінде бірқатар кадрлық өзгерістер болды.

Нақтырақ айтқанда, аудандық полиция бөлімі бастығының орынбасары әрі тергеу бөлімшесінің бастығы лауазымына Арпенов Асыланбек Окитұлы, аудандық полиция бөлімі жергілікті полиция қызметі бөлімшесінің бастығы лауазымына полиция аға лейтенанты Мамай Бейбарыс Мамайұлы және аудандық полиция бөлімі Жанбай полиция бөлімшесінің бастығы лауазымына полиция капитаны Бисенғалиев Нұрбол Кеңесұлы тағайындалды.

Жаңа қызметке тағайындалған азаматтарды жеке құрамға таныстырған аудандық полиция бөлімінің бастығы, полиция подполковнигі Данияр Бимуханов олардың қоғамдық қауіпсіздікті қамтамасыз ету жолында адал қызмет атқаратындарына сенім білдіріп, еңбекте абыройлы болуларын тіледі.

Әділбек СЫРЫМОВ