Бұл жөнінде Исатай аудандық білім бөлімінің басшысы Гүлайна Құрманғалиева Атырау облысы өңірлік коммуникациялар қызметі алаңында өткен онлайн-брифинг барысында мәлімдеді.
- Аудан педагогтары 15 жас маманмен толықтырылды. Орыс тілі мен әдебиеті, математика, физика, алғашқы әскери дайындық пәні мұғалімі, дефектолог, логопед, концертмейстер, хореограф мамандары әлі де жоғары қажеттілікке ие болып отыр, - дейді Исатай аудандық білім бөлімінің басшысы Гүлайна Құрманғалиева.
Айта кетейік, ауданда 786 мұғалім, мектепке дейінгі білім беру мекемелерінде 205 тәрбиеші, қосымша білім беру ұйымдарында 67, түзеу кабинетінде 12 мұғалім қызмет атқаруда.
Сурет: ашық дереккөзден
