Исатай аудандық мәслихатының кезектен тыс LV сессиясында ауданның әлеуметтік-экономикалық дамуына қатысты 5 мәселе қаралды.

Атап айтқанда, аудандық мәслихаттың «2020-2022 жылдарға арналған аудандық бюджет» туралы шешіміне өзгерістер енгізу, елді мекендерді абаттандыру, көгалдандыру, аудан аумағында бейбіт жиналыстар өткізу, аумақтық сайлау комиссиясы құрамына өзгерістер енгізу мәселелері талқыланды.

Сонымен бірге өңірдің өсіп-өнуі, әлеуметтік-экономикалық және рухани-мәдени өркендеуіне үлес қосып жүрген Зинеден ауылының тұрғыны, батагөйлер сайысының өңіраралық жарысында жүлделі орынға ие болған аузы дуалы ақсақал Уахит Әділов, Исатай ауылының тұрғыны, мемлекеттік қызмет саласының ардагері Жарылғас Ғұбашұлы және Аққыстау ауылының тұрғыны, аудандық ардагерлер кеңесінің төрайымы, қоғам белсендісі Ботакөз Құлғалиеваға ауданның Құрметті азаматы атағын беру туралы шешім қабылданды.

Өз тілшіміз