Кеше Исатай ауданында Елорда күніне арналған мерекелік шара өтті.
Елорда күнін елеусіз қалдырмайтын исатайлықтар жұма күні кешкі салқынмен аудан орталығындағы «QAZAQ ELI» саябағына жиналды.
Алдымен аудан әкімі Нұрым Мусин тұрғындарды мерекемен құттықтады.
Одан кейін аудан өнерпаздары тұлпардай тулап, қырандай самғап көрерменге әуелеген әні мен күмбірлеген күйін тарту етті. Ортада бұраңбел бишілер де сахнадан табылып, көздің жауын алды.
Мерекелік бағдарламадан бөлек, көрермен арасында атаулы күнге байланысты сұрақтар да жолданып, дұрыс жауабын тауып белсенділік танытқан жандарға естелік сыйлықтар табысталды.
Сағыныш Қайыр
