Исатай ауданы, Исатай ауылдық округінде маңызды саяси оқиға таңғы сағат 7.00-де басталды.
- Қазақстан Республикасының сайлау туралы заңына сәйкес Исатай ауылдық округі әкімін сайлауға байланысты №137 учаскелік сайлау комиссиясы өз жұмысын бастады, - дейді учаскелік сайлау комиссиясының төрағасы Айгүл Адилова.
Оның айтуынша, Исатай ауылдық округіне қарасты №137 сайлау учаскесінде 886 сайлаушы тіркелген. Ауыл әкіміне кандидат 3 үміткер бар.
Еске сала кетейік, Исатай ауылдық округінің әкімін сайлауға дауыс беру кешкі сағат 20:00-ге дейін жалғасады.
