Соңғы ақпарат бойынша Исатай ауданында науқас саны 50-ге жетті.
Исатай ауданының бас мемлекеттік санитарлық дәрігерінің міндетін атқарушы Бақытгүл Қартмағанбетованың айтуынша, індет жұқтырған тағы 6 адам анықталған. Олардың 2-еуі Аққыстау ауылынан, 1-еуі Жанбай, енді 1-еуі Х.Ерғалиев ауылынан, 2 науқас Тұщықұдықтан тіркелген.
- Аурулардың симптомсыздығы бізді жайбарақат қалдырмауы тиіс. Өйткені, бақылауға алынған науқастардың арасынан ауру симптомдары байқала бастаған адамдар да бар. Шағыммен түскен бір адам провизорлық стационарда ем алуда, - дейді Бақытгүл Қартмағанбетова.
Серікбол ПАНАБЕРДИЕВ
