Исатай балалар-жасөспірімдер спорт мектебінің тәрбиеленушілері сайлау учаскесінің алдында таэквандоның әдіс-тәсілдерін көрсетуде. Наурыз мейрамына орай және бүгінгі маңызды саяси науқанда дауыс берушілерге мерекелік көңіл-күй сыйлау үшін ұйымдастырылған шараға Исатай аудандық БЖСМ өз үлесін қосуда.
Исатай БЖСМ жатықтырушысы Айбол Жолдасов 8-15 жас аралығындағы кіші жасөспірім спортшылар еркін жаттығу жүргізіп жатқанын айтады.
-Дауыс беруге келген сайлаушылар балалардың өнерін тамашалауда, бір жағынан тұрғындардың назарын аударып, азаматтардың дауыс беруге көбірек қатысуына үлес қосып жатырмыз,-дейді жаттықтырушы. Расында, спорттық киіммен жүрген балаларды көріп, сайлау учаскесіне бұрылып, дауыс беріп жатқандар жоқ емес.
