Исатай ауданында жуырда ғана отау құрған жас отбасы алғаш рет сайлауға қатысып, өз таңдауларын жасады.Тұщықұдық  ауылдық округінің тұрғындары  Асылжан Жұмаханов мен Әйгерім Ахатқызы сайлау науқанына немқұрайлы қарамай, белсенділік танытуды азаматтық парызымыз деп біледі. Жас отбасыТұщықұдық ауылдық округі Ж.Мырзағалиев атындағы орта мектебіндегі №130 сайлау учаскесіне келіп, дауыс берген.

«Бұл – өзіміз тұрып жатқан ауылдың болашағы үшін аса маңызды науқан. Сондықтан келіншегім екеуміз еліміздің жарқын келешегі үшін өз таңдауымызды жасадық. Шаңырақ көтеріп, болашаққа сеніммен аяқ басқан соң елдің ертеңі бізді айрықша алаңдатады»,- деді Асылжан Жұмаханов.