Исатай ауданындағы эпидемиологиялық ахуал күннен-күнге өршуде.
Кеше ғана, яғни, 22 маусым күнгі мәлімет бойынша ауданымыздан шыққан науқастар саны 21-ге жеткенін жариялаған болатынбыз. Ал 23 маусым күнгі ақпарат бойынша бұл көрсеткіш екі еселеніп отыр. Бұл жайлы Исатай ауданының бас мемлекеттік санитарлық дәрігерінің міндетін атқарушы Бақытгүл Қартмағанбетовадан білдік.
- Соңғы ақпарат бойынша ауданымыздан тағы 21 жағдай тіркелді. Олардың 4-еуі Тұщықұдық ауылынан, 1-еуі Жанбай ауылынан, 16-сы Аққыстаудан шығып отыр. Инфекция жұқтырғандар симптомсыз және олар скринингтен өту кезінде анықталған, - дейді Бақытгүл Қартмағанбетова.
Қатерлі індет жұқтырғандар саны 40-тан асты. Бұл бейжайлықты қойып, сақтық шараларын күшейту қажеттігін білдіреді.
Серікбол ПАНАБЕРДИЕВ
