Бүгін аудандық "Жалын" мәдениет үйінде жыл қорытындысы бойынша үздік қызметкерлерді марапаттауға арналған «Жыл үздігі – 2024» номинациясын табыстау шарасы өтті.
Бүгінгі шараның да мақсаты - жыл сайынғы игі дәстүр бойынша жыл ішінде өз саласы бойынша ерекше жетістікке жетіп, сенім жүгін арқалаған азаматтарды ұлғылау, есімдерін жария қылып, құрмет пен ризашылық білдіру, үздік маманның мәртебесінде көтеру болып табылады.
Салтанатты шарада алдымен сөз алған Исатай аудан әкімі Нұрым Мусин аудан тұрғындарын жаңа жыл мерекесімен құттықтап, биылғы жылдың табысты болғандығын жеткізді.
Сондай-ақ, алдымен ұзақ жыл еңбек етіп, биылғы жылы зейнет жасына толып отырған бір топ аға буын өкілдеріне құрмет көрсетті.
Атап айтсақ, Тұщықұдық ауылдық "Нариман Үлкенбайұлы" атындағы мәдениет үйі КМ қазыналық кәсіпорынның директоры Рамазан Бермағанбетов, Нарын ауылдық округі әкімі аппаратының бас маманы Қазбек Ғабит, Қамысқала ауылдық мәдениет үйінің директоры Жібек Мұхтарова, Исатай аудандық "Нарын таңы" қоғамдық-саяси газетінің бас редакторы Аяпберген Салихов "Құрмет" грамотасымен ұлғыланды. Сонымен қатар, Аяпберген Салихов пен Тұщықұдық ауылдық округінің әкімі Айбатыр Бекішұлы "мәслихаттың 30 жылдығы" медалімен арнайы наградталды.
Ал "Жайықмұнайгаз" МӨГБ көлік қызметі басшысы Нұрлыбек Салихов пен Аққыстау ауылдық округінің тұрғыны, зейнеткер, ауылды жарықтандыруға үлес қосып жүрген жеке кәсіпкер Талғат Ідіркеновке "Ауыл еңбегі үшін" медалі табыс етілді.
Сондай-ақ, ол ауданның өркендеуі жолында тынбай еңбек етіп жүрген бірқатар сала мамандарын 14 аталым бойынша марапаттады.
«Жыл үздігі – 2024» номинациясын иеленгендер:
1. "Үздік мұнайшы -2024" номинациясын "Жайықмұнайгаз" мұнай-газ өндіру басқармасының №5 мұнай және газ цехының 4-дәрежелі жұмыс агентін жер қабатына айдау жөніндегі сорап машинисі Хайрат Хайреденов иеленді.
2."Үздік шаруагер -2024" номинациясын қамысқалалық "Кабибуллин" шаруа қожалығының басшысы Айтқали Қабибуллин ие болды.
3. "Үздік сумен қамту қызметкері 2024" "Атырау облысы Су арнасы" КМК мекемесінің кәріз жүйесінің операторы Мерген Хамитов болып танылды.
4. "Үздік мұғалім - 2024" атағын Ж.Мырзағалиев атындағы орта мектептің ағылшын пәні мұғалімі Еркеназ Өтемісова жеңіп алды.
5. "Үздік құқық қорғау қызметкері -2024" номинациясын аудандық полиция бөлімінің патрульдік полиция тобының аға инспекторы, полиция капитаны Дәурен Орынғалиев иеленді.
6. "Үздік энергетик -2024" иегері Жасұлан Жұбанғали атанды.
7. "Үздік дәрігер -2024" номинациясын аудандық орталық аурухананың акушер гинекологы Ғалия Бакранова лайық деп танылды.
8. "Үздік қаржыгер - 2024" атағына Жанбай ауылдық округі әкімі аппараты ММ бас-маман, есепшісі Ләззат Ахмет ие болды.
9. "Үздік газбен қамту қызметкері - 2024" иегері Исатай газбен қамту қызметкері Алтынханым Құрасова атанды.
10. " Үздік мемлекеттік қызметші -2024" номинациясына аудандық экономика және қаржы бөлімінің басшысы Алтынзер Сапаева иегер болды.
11. "Үздік мәдениет қызметкері-2024" аталымын Жанбай ауылдық мәдениет үйінің көркемдік жетекшісі Нұрбол Қалидоллаевқа табысталды.
12. "Үздік әлеуметтік қызметкер -2024" номинациясын иеленуші Исатай ауылдық округінің әлеуметтік қызметкері Гүлжан Сүлейменова болды.
13. "Үздік спортшы -2024" номинациясымен параармрестрилинг спортшысы Асылан Қайрушев марапатталды.
14. "Үздік кәсіпкер -2024" аталымын "Сұлтан строй Сервия" жеке кәсіпкерлігі басшысы Самат Сыдихов иеленді.
Шара соңы аудан өнерпаздары мен көршілес Махамбет ауданының арнайы келген таңдайлық "Ауыл таңы" вокальдық аспаптар ансамблінің сазды бағдарламасына ұласты.
Сағыныш Қайыр
