Исатай ауданындағы еңбек жасағының сарбаздары 25 тамыз күні Тұщықұдық ауылы, «Ақкөл» демалыс орнында болып, #trashtag акциясы аясында тазалау жұмыстарын жүргізді.
Аудандық жастар ресурстық орталығының ұйымдастыруымен және Тұщықұдық ауылдық округі әкімінің қолдауымен өткен акцияның мақсаты - табиғатты қоқыстан тазарту арқылы келешек жас ұрпаққа үлгі болу. Акцияға «Жасыл ел» еңбек жасағының 15 сарбазынан бөлек ауданымыздың ерікті жастары да қамтылып, демалыс орнындағы қоқыстарды тазартуда жұмыла күш жұмсады. Атқарылған игілікті істің нәтижесінде «Ақкөл» демалыс орны толық тазартылып, жастар елдің ыстық ықыласына бөленді. Ауыл жастары алдағы уақытта да осы акцияны ауданымыздың басқа да жерлерінде өткізуге ниетті. Осындай шараның өткізілуіне демеушілік білдіріп, көлікпен қамтамасыз еткені үшін Тұщықұдық ауылдық округінің әкімі Мәди Рахымұлына өз алғысымыз білдіреміз, - дейді аудандық жастар ресурстық орталығы басшысының міндетін атқарушы Жансая Мұратқызы.
Әділбек СЫРЫМОВ
