Күні кеше Атырау қаласында ауыл балалары арасында ұйымдастырылған «Auyl Sport - 2024» лигасы өтті. Бұл жарысқа Дамбы ықшамауданы, Құрманғазы, Махамбет, Жылыой, Мақат және де Исатай ауданынан барған командалар бақ сынасты.
Солардың ішінде "Барыс" балалар-жасөспірімдер спорт клубының шәкірттері яки исатайлық баскетбол құрама командасы өз шеберліктерін танытып, турнир барысында үздік ойын өрнегін көрсетті. Бұл лига ауыл жастарының спорттағы таланттарын ашуға және оларға жаңа мүмкіндіктер беруге бағытталған маңызды іс-шара болды.
Тартысты ойын нәтижесінде ауданымыздан барған ұлдар командасы 3-орын еншілесе, ал қыздардан құралған топ құрамасы 2-орын иеленді.
Спортшыларымызды жарысқа дайындаған жаттықтырушылары: Е.Құрманғалиев, А.Қаражанов, Э.Тағатов, Ж.Қуанышов,Н.Марат.
