Исатай қайырымды жандар еріктілер тобы аудандық стационарға оттегін концентраттайтын бір аппарат пен 10 пульсоксиметр тапсырды.

Ерікті Роберт Жасталапұлының айтуынша, тыныс алу аппараты Түркиядан «Айдың нұры» қоры арқылы келген. «Шұғыла» қорымен тағы да дәл осындай 4 оттегі концентраторына тапсырыс берілгенін айтқан ол аталған құрылғының жақын күндері аудандық стационарға табыс етілетіндігін айтты. Сонымен қатар аққыстаулық 1982 жылы туған азаматтар стационар мамандарына бес пульсоксиметр құралын ұсынды.

Дәрігерлер келген аппараттар мен сақтандырғыш құралдарын алдымен аудандық провизорлық стационарға, содан соң барлық ауылдық амбулаториялық пункттерге жолданатынын айтады.

Бұдан бөлек аз қамтылған аудан тұрғындарына азық-түлік пен тегін дәрі-дәрмек үлестіріп, елден алғыс арқалап жүрген еріктілер бұл жұмыстарының әлі де жалағасатынын жеткізді.

Серікбол ПАНАБЕРДИЕВ