Қазақстандықтар Андрей Голубев пен Александр Недовесов АҚШ-та топырақ төсенішінде өтіп жатқан Хьюстон ATP 250 турнирінің жартылай финалына шықты, деп хабарлайды ҚазАқпарат тілшісі.

Қазақстандық жұп ширек финалда жарыстың 4-ракеткалары болып тіркелген швециялық Андре Горанссон – жапониялық Бен Маклахланмен шеберлік байқасты.

Қазақстандық жұп екі сетте 6:4, 6:4 есебімен жеңіске жетті.

Бір сағат 14 минутқа созылған бәсеке барысында А.Голубев пен А.Недовесов 1 эйс жасап, 6 брейк-пойнттың екеуін пайдаланды.

Швециялық-жапониялық жұп 2 эйспен ғана көзге түсті.

Қазақстандық теннисшілердің жартылай финалдағы қарсыластары кейін анықталады.

Еске сала кетейік, бұдан бұрын қазақстандық теннисшілердің АҚШ-тағы жарыстың ширек финалына өткенін жазған болатынбыз.

Сондай-ақ Александр Бубликтің Монте-Карло мастерс турниріндегі қарсыласы анықталды.