Қамысқала ауылдық округіндегі Ғ.Мәсәлімов атындағы орта мектеп ғимаратында орналасқан №128 сайлау учаскесінде ауыл тұрғындары белсенділік танытуда. Таңертеңнен бастап дауыс беруге келген халықтың легі толастамай, әрқайсысы ел болашағы үшін өз таңдауларын жасауда.
Сайлау комиссиясы ұсынған мәліметке сүйенсек, сағат 16:50-дегі жағдай бойынша тізімге енгізілген сайлаушылардың 50 пайызы өз бюллетеньдерін алып үлгерген. Бұл – ауыл тұрғындарының азаматтық жауапкершілігінің, белсенді ұстанымының айқын көрінісі.
Сағат 17:00-ге қарай дауыс беру қарқыны бәсеңдеген жоқ, учаскеде жылы атмосфера мен ұйымшылдық байқалады.
Сағыныш Қайыр
