Қамысқалада кіші аяқдоп алаңы ашылды

Спорттың бұқаралылығын дамыту - мемлекетіміз көздеп отырған игі мақсаттардың бірі.

Өйткені, елдің өркендеуі үшін ең алдымен халқы салауатты өмірге бейім болуы шарт. Ал, азаматтарды спортқа баулу үшін, әрине, мемлекет жағдай жасауы қажет.

gazon2

Қамысқала ауылында спортқа, оның ішінде, аяқдопқа бейім жастардың қатары аз емес. Әсіресе, соңғы жылдарда аудан көлеміндегі жарыстарда жоғары деңгейде өнер көрсетіп жүрген оларға тұрақты түрде шынығатын арнайы орынның болмауы «әттеген-ай» дегізіп жүргені жасырын емес. Жақын жылдарда ауылдарға спорт кешені салынады деген сүйінші хабар ауылдың спортсүйер азаматтарын бір қуантып тастаған. Дегенмен, әлі орны белгіленіп, іргетасы қаланбаған оның құрылысы басталып, пайдалануға бергенге дейін аз уақыт кетпейтіні белгілі.

gazon3

Күні кеше ауыл шетінен жаңа кіші аяқдоп алаңының ашылуы ауыл жастарын қуанышқа кенелтті. Ұ.Сапарғалиева көшесінде салынған жабынды алаң ның ашылу салтанатында ауылдық округ әкімі Р.Тажиденова ауыл жастарын құттықтап, оларға спорттың бұл түрінен жүлделі орындарды иеленулерін, ауыл халқына салауаттылықты насихаттауда үлес қосуды тіледі. Кіші аяқдоп алаңының лентасын ауыл ардагері, Қазақстан Журналистер Одағының мүшесі И.Сәтенов пен «Аққу» бөбекжай-бақшасының директоры А.Жұмабайқызы қиды.

gazon5

Айта кетейік, алаңның жасанды жабынын төсеп, жабдықталуына «БатысАльянсСтрой» ЖШС бас директоры облыстық мәслихаттың депутаты Ә.Орынбасарұлы демеушілік жасады.

gazon6

Серікбол ПАНАБЕРДИЕВ

COVID 19

covid

Тәуелсіздікке 30 жыл

tuelszdkke-30-zhyl

Бейнебаян жаңалығы

Aqprint

Байланыс номерi :     +7 775 798 46 24     +7(7122) 45-85-21