Кәсіпкер су тазартатын қондырғыны іске қосты

Аққыстаулық Исатай Жақыпұлы - жеке кәсіпкер.

Өткен жылғы «Бастау Бизнес» жобасының тыңдаушысы болған ол «Нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған «Еңбек» мемлекеттік бағдарламасы шеңберінде 505 000 теңгенің қайтарымсыз грантын ұтып алған.

su-tazartu03

Кәсіпкер күні бүгін аудан орталығы Аққыстау ауылындағы «Гаухар» азық-түлік дүкенінен орын алып, грант қаржысына су тазартатын құрылғыны іске қосты. Құрылғының қуаттылығы 1 сағатта 100 литрге дейін суды тазалайды. Сондай-ақ ағынды суды 8 сүзгіден өткізу арқылы сапасын 1-санатты судың деңгейіне дейін тазалауға мүмкіндігі бар.

- Қазір құрылғы арқылы тазаланған судың 1 литрі 15 теңгеден сатылуда. 19 литрлік құтыға құйылған суға қарағанда литрлеп құйып алу тұрғындарға ыңғайлы болып, сұраныс көбейіп тұр, - дейді жеке кәсіпкер.

Өз тілшіміз

COVID 19

covid

Тәуелсіздікке 30 жыл

tuelszdkke-30-zhyl

Бейнебаян жаңалығы

Aqprint

Байланыс номерi :     +7 775 798 46 24     +7(7122) 45-85-21