Күні кешегі 20 қарашада елімізде кезектен тыс Президент сайлау өткені баршамызға белгілі. Осы сайлау қорытындысында Қазақстан Республикасы Орталық сайлау комиссиясының төрағасы Нұрлан Әбдіровтің дерегі бойынша Қасым-Жомарт Тоқаев 81,31 % дауыс алып, жеңіске жеткені туралы теледидардан естіп, қуанып қалдым. Шынында да қазіргідей аумалы-төкпелі заманда еліміздің көшін болашаққа бастар Қасым-Жомарт Кемелұлы Тоқаев сияқты тұлғалар керек екені айтпаса да түсінікті. Өйткені халық кезектен тыс Президент сайлауы Қазақстанның жаңа жолын, келер күндерін нұрлы белеске алып шығады деген сенімде. Сол себепті мұндай тарихи сәтті, таңдаулы кезеңнен үлкен үмітпен күткен едік.

Жарылғап ҒҰБАШЕВ,
мемлекеттік қызмет ардагері,