Х.Ерғалиев музейінде Қазақстанның халық жазушысы Хамит Ерғалиевтың 104 жасқа толуына орай «Шабыты шалқыған ақын» оқушылар мүшәйрасы өтті.

Қамысқала ауылдық мәдениет үйі, Х.Ерғалиев атындағы ауылдық кітапхана, музей қызметкерлерінің ұйымдастыруымен қазақ әдебиетінде өзіндік қолтаңбасын қалдырған ақын құрметіне өткен мүшәйраға Ғ.Мәсәлімов пен Новобогат атындағы орта мектеп оқушылары қатысты.

Мүшәйра 4 бөлімнен тұрды. 1-бөлімде оқушылар өздерін таныстырды. Сайыстың 2-3-кезеңдерінде қатысушылар ақын өлеңдерін нақышына келтіре оқып, Хамаңа арнаған өз туындыларын да ұсынды. 4-бөлімде сұрақ-жауапқа кезек берілді.

Шараға Альбина Асылбекқызы, Кәусар Асылжанқызы, Ақбөбек Жаңабайқызы, Кәусар Айбекқызы және Балбөбек Қайырлиева өз белсенділіктерін көрсетті. Сайыскерлерге қатысқандары үшін алғыс хаттар мен ақынның жыр жинағы сыйға берілді.

Өз тілшіміз