Қызыл үйде жаңа мектеп тұсауын кесті

Қызыл үй негізгі мектебінің жаңа ғимараты салтанатты жағдайда пайдалануға берілді.

mektep62

kizuimektep

Жексенбіде Тұщықұдық ауылдық округіндегі Қызыл үй елді мекенінде өткен «Алғашқы қоңырау» салтанатында көпшілік ашылуын асыға күткен білім ордасы тұсауын кесті.

kiziluimektep1

Аудан әкімі мен орынбасарлары, аудандық бөлімдер басшылары мен мәслихат депутаттары, ардагерлер өкілдеі мен ауыл тұрғындары қатысқан шарада жаңа мектеп үйінің салынуына бастамашы болған аудан, облыс басшылығы атына, демеушілік еткен «NCOC» компаниясына және құрылыс жұмыстарын жүргізген «ТоныкөкҚұрылыс» жауапкершілігі шектеулі серіктестігі аттарына көпшіліктің құрметі мен ризашылығы көп болғанын алдымен айта кеткен жөн.

kiziluimektep2

Жырақтағы ауылға жаңа мектеп үйін сый еткен жиында аудан әкімі Марат Мурзиев сөз алып, қызылүйліктер мен қатысушылардың баршасын салтанатты сәтпен құттықтады, аталған компания мен құрылыс мекемесі басшылығына арналған аудан әкімінің алғыс хаттарын олардың өкілдеріне табыстады.

kiziluimektep3

Ал «ТоныкөкҚұрылыс» мекемесі өкілі Тоқтар Жылқыбаев мектеп директоры Қабыл Ғұбашевқа символикалық кілті табыс етті, еңселі мектеп үйінің керме лентасын ауданымыздың Құрметті азаматы, ауыл шаруашылығы саласы ардагері Шәріп Сыдихов пен «NCOC» компаниясы өкілі Константин Чилманов және мектеп басшысы Қабыл Ғұбашев қиды.

kiziluimektep4

Жаңа мектепте алғаш өткен «Алғашқы қоңырау» салтанатында мектеп басшысы Қ.Ғұбашев білім ұясының қол жеткен жетістіктері мен алдағы жоспар-жобаларын көпшілікпен бөлісіп, осынау қуанышқа ортақтаса жеткен баршаға ризашылығын жеткізді. Жаңа ғимаратта алғашқы қоңырау үні де сыңғырлап, ата-аналар атынан Алтын алқа иегері Балжан Сапашева, осы білім ұясының негізін қалаған Қызылтөбе мектебі табалдырығын 1969 жылы аттап, арада 50 жыл өткенде сағына ат басын тіреп, қызылүйліктердің қуанышын бірге бөліскен түлектер атынан белгілі журналист, Ұлттық мемлекеттік кітап палатасының директоры Әділ Қойтанов құттықтады.

kiziluimektep5

Сөйтіп, жырақтағы ауылда жаңа мектеп үйі пайдалануға беріліп, барша мектеп ұжымы мен ауылдастар ән шырқалып, би биленген шырайлы шараның куәсі болды.

Жоламан ДӘУЛЕТИЯР

COVID 19

covid

Тәуелсіздікке 30 жыл

tuelszdkke-30-zhyl

Бейнебаян жаңалығы

Aqprint

Байланыс номерi :     +7 775 798 46 24     +7(7122) 45-85-21