Исатай ауданының ғана емес, елдің атын шығарып жүрген Еркебұлан Қуанғалиев бүгінгі тарихи сәтке куә болып, жас сайлаушылардың қатарынан табылды. Ол Тұщықұдық ауылдық округіне қарасты №130 сайлау учаскесіне барып, өз таңдауын жасады.

  Жас сайлаушы дауыс берудің жауапкершілігін жоғары деп санайды. Сол себепті халықпен бірге белсенділігін танытып, азаматтық міндетін орындады.

– Қазақстан жастардың қолында деп сенемін. Дауыс беру – әр азаматтың парызы. Сол себепті халық қалаулыларын таңдау үшін әрбіріміз жауапкершілік танытуымыз қажет, – деп спортшы өз ойын білдірді. 
Айта кетейік, жас спортшы Исатай ауданы «БАРЫС» балалар-жасөспірімдер дене шынықтыру даярлық клубының спорт нұсқаушысы, ересектер арасында әлем чемпионатының күміс жүлдегері, азия чемпионы, халықаралық дәрежедегі спорт шебері.    
           

   САҒЫНЫШ ҚАЙЫР