Жанбай ауылында бастауыш ардагерлер ұйымының есептік жиналысы өтті.
Оған ауылдық округтің әкімі Дидар Есмұханов пен аудандық ардагерлер кеңесінің төрағасы Жансих Маштахов қатысты.
Онда бастауыш ардагерлер ұйымының төрағасы Мырзажан Балпанов 2022-2024 жылдар аралығында атқарған жұмыстары туралы баяндама жасады.
Оның баяндауынша, осы екі жыл ішінде ауыл ардагерлерінің әл-ауқаты мен тұрмыстық жағдайларын жақсарту және оларды қолдау мақсатында көптеген игілікті іс-шаралар жүзеге асырылған.Мысалы, күнкөрісі төмен отбасыларға заттай және қаржылай көмектер көрсетілген. Мерейлі жасқа келген еңбек ардагерлеріне Алғыс хаттар мен бағалы сыйлықтар табыс етілген.
Баяндамадан соң мінберге шығып сөйлеген Аман Ибатов, Темірхан Игіліков және басқалар, төрағаның екі жылдық есебіне «қанағаттанарлық» деген баға берді. Жиналыс ұйым төрағасын басшылыққа қайтадан сайлады.
Аяпберген САЛИХОВ
