Аудандық музейінде ақын, аудармашы, Исатай ауданының Құрметті азаматы Мақсұт Неталиевтың туғанына 90 жыл толуына орай «Өмірі өрнектелген ақын» атты тағылымдық дәріс өткізілді.
Дәрістің мақсаты – ақынның асқақ дауысты өлеңдері оқушысының ой-өрісін биікке көтеретіндей, оның ұмыт болып бара жатқан өлең жолдарын және өзінің көзі тірісінде сақталған тарихтан сыр шертетін жәдігерлерін кейінгі өскелең ұрпақта таныстыру. Шара барысында аудандық музей қорында сақталған ақын Мақсұт Бозшаұлының алған марапаттары, фотосуреттері, кітаптары, жеке тұтынған музыкалық аспап – скрипкасы мен фотоаппараты және өмірі мен шығармашылық жолдары таныстырылды.Тағылымдық дәріске аудандық жастар ресурстық орталығы жанынан құрылған «Жасыл ел» жастар еңбек жасағының сарбаздары қатысты.
Жұлдыз СЕМБИЕВА
