Нарын ауылдық округінде тозығы жетіп, қайта қалпына келтіруді немесе құрылыс жұмыстарын жүргізуді қажет ететін нысанның бірі - ауылдық клуб үйі.
Кезінде теміржолшылардың моншасы болған, кейін қайта жөнделіп, клубқа айналған ғимарат тым ескі. Талапқа да сай емес. Сондықтан 300 орындық мәдениет үйін салу мәселесі - көптен бері көтеріліп жүрген басы ашық әңгіме. Осы мәселені облыс әкімінің алдына тартқан аудан басшысы қолдау білдіруді сұрады.
Жобалық құны 1 млрд-тан астам қаржыны талап ететін жоба шешілсе ауылдың сәні кіріп, мәдениеті өрлеп, бір бүйірде жатқан ауылдың сәні кіріп-ақ қалар еді. Уәде бермесе де қаржы тарттырудың мәселелерін зерделеп көруді ұсынған облыс басшысы Махамбет Досмұхамбетов былтырдан бері төселіп жатқан ауылішілік жолдардың құрылысымен танысты.
