Ойын алаңы жөнделіп жатыр

Күні кеше «Нұр Отан» партиясының бастауыш партия жиынында ауыл әкімі Ғаділ Боранбаев «Мұнайшы» шағын ауданындағы балалар алаңына биылша ағымдық жөндеу, ал келесі жылы күрделі жөндеу жұмысы жүргізіледі дегенді айтты.

Аққыстау ауылының ішкі жолы да келесі жылы кәріз желілері құрылысы біткен соң 24 шақырым болып қайта төселеді екен. Ардагерлер паркі мен «Жайықмұнайгаз» басқармасы арасынан жаңадан «Жастар алаңы» да салынбақшы. «Жақсы сөз - жарым ырыс» дегендей, айтылған жағымды жаңалыққа қуанысып қалдық. Жазылған жайдың жаңғырығындай болып қолға алынып жатқан қай-қай оңды іске де ақ батамызды беріп, кеңінен қолдау білдіруге дайынбыз. Тек өндірісті өңіріміз көлденең апаттар мен жебір сұғанақтардан аман болып, осы алған бағытынан таймаса екен.

Естеріңізде болса, анабір әзірде ауданымыздың мерзімді үнпарағы «Нарын таңы» газетінің биылғы жылдың 12-сәуіріндегі №15 санында газеттің бас редакторы Аслан Мұратұлының «Балалар ойын алаңдарын жаңғырту қажет» деп аталатын мақаласы жарияланған болатын. Аудан орталығының көптен бері жөндеу көрмеген әлеуметтік мәселесі қозғалғанда сол шағын ауданда тұратын қалың көпшілік іштей разы болғанымызбен, «Айта-айта Алтайды, Жамал апай қартайдының» жыры болып, бұл айтылғаннан да еш нәтиже шыға қоймас деп күбірлегенбіз іштей. Бірақ, газеттегі мақала түрткі болды ма, әлде жоспарлы жұмыстар ма, әйтеуір бір аптадан бері жөндеу бригадасы келіп, аталмыш алаңға ағымдық жөндеу жұмыстарын жүргізіп жатыр. Осыған дейін жұлым-жұлымы шыққан тор сымдарды алмастырып, бағандарын сырлап, айналасын абаттандырып, көз тартарлық күйге жақындата түсті. Жақсыны жақсы деп, жасалған жағымды жұмыстарға тиісті бағасын берген дұрыс қой, сондықтан аудандық газет арқылы бүгінде аудан орталығында айтарлықтай шаруалар тындырып жатқан азаматтарға алғыс айтқымыз келеді.

Ишанғали Ермеков,

зейнеткер

Аққыстау ауылы

Cуретті түсірген Әбілмажан ШАРАПИДЕНОВ

podpiska_kaz

COVID 19

covid

Тәуелсіздікке 30 жыл

tuelszdkke-30-zhyl

COVID-19 инфекциясы

Aqprint

Байланыс номерi :     +7 775 798 46 24     +7(7122) 45-85-21

Меншік иесі: «Атырау-Ақпарат» ЖШС

Қазақстан Республикасының Ақпарат және коммуникациялар
министрлiгiнде 2018 жылы 16 мамырда тіркеліп, №17102-г куәлік берілген.

Редакцияның мекенжайы: Исатай ауданы,
Аққыстау ауылы, Егемен Қазақстан көшесі, 12-үй.

Байланыс телефондары: 8 (71 231) 2-01-68,
2-01-52, факс 2-01-68.

Электронды пошта: naryn_tany2009@mail.ru

Яндекс.Метрика