Біз осы сайлаудан үлкен үміт күтеміз. Өйткені, бұл біздің болашағамызды, ертеңімізді, ұрпақтарымыздың ертеңін анықтайтын, айдында жүзген кемеміздің бағытын айқындайтын сайлау болуға тиіс.

Қоғам бүгінде толқулы. Әлемді жайлаған пандемияның әсерінен өндірістер әлсіреді, экономика тоқырады, кәсіпорындар мен кәсіпкерлер қызметі не тоқтады, не тоқырау алдында тұр.

Осы олқылықтардың орнын толтырып, біздің қоғам үшін тиімді шешімдер қабылдап, ел ертеңі үшін аянбай еңбек ететін депутаттар корпусын сайлау біздер үшін де сындарлы сәт деп ойлаймын.

Сайлау жүрек пен сана ояулығын талап етеді. Таңдауымызды тағы бір мәрте таразыға салатын сын. Ал таңдауымыз талғамымызды білдіретіні айдан анық. Ендігі кезек – таңдауда, яғни сізде.

Ботагөз ҚҰЛҒАЛИЕВА,

аудандық ардагерлер кеңесінің төрайымы