Пилотсыз жүк тасымалдау технологиялары – болашақтың көлік жүйесіне бағытталған ірі жаңалықтардың бірі. Бұл жүйелер заманауи логистика саласын түбегейлі өзгертіп, жүк тасымалдау процесін анағұрлым тиімді, жылдам әрі қауіпсіз етуге мүмкіндік береді. Автономды көлік құралдарының көмегімен тасымалданатын жүктер адами факторға тәуелсіз түрде жеткізіліп, өндіріс пен сауда саласындағы шығындарды азайтады.
Пилотсыз жүйелердің енгізілуі көлік және логистика саласының цифрлық трансформациясын жеделдетіп, экономиканың барлық салаларына оң әсер етеді. Мұндай технологиялар, әсіресе алыс және жол қатынасы қиын аймақтарда тиімділігін көрсетеді. Олар жүктің уақытылы әрі үнемді жеткізілуін қамтамасыз етіп, еңбек өнімділігін арттырады.
Алайда бұл жаңашылдықтарды сәтті жүзеге асыру үшін мемлекет тарапынан нақты әрі икемді құқықтық база қажет. Үкімет пилотсыз көлік құралдарының қолданылуын реттейтін заңдар мен нормативтік актілерді жедел әзірлеп, оны іске асыру механизмдерін нақтылауы тиіс. Бұл – тек техникалық емес, құқықтық қауіпсіздік тұрғысынан да маңызды.
Сонымен қатар, осы саладағы қауіпсіздік стандарттарын халықаралық талаптарға сәйкестендіріп, жаңа технологияларды енгізу кезінде экологиялық және әлеуметтік жауапкершілікті де назарда ұстау қажет.
Пилотсыз көліктерді енгізу – еліміздің бәсекеге қабілеттілігін арттырып қана қоймай, инновациялық экономиканың дамуына да серпін береді. Бұл технологиялар арқылы Қазақстан көлік-логистика хабы ретінде өз позициясын нығайтып, болашақтың интеллектуалды инфрақұрылымын қалыптастыруға қадам жасайды.
Асылан ҒҰБАШ,
Исатай ауылдық округінің әкімі
