Құрметті аудан тұрғындары!
Исатай ауданы Төтенше жағдайлар бөлімі сіздерді портативті газ оттықтарын (туристік плиткалар, газ баллондары) пайдалану барысында өрт қауіпсіздігін қатаң сақтауға шақырады. Бұл құралдарды дұрыс қолданбау өрттің шығуына, тіпті жарылысқа алып келуі мүмкін.
Негізгі қауіптер:
Газдың сыртқа шығуы;
Оттықтың шамадан тыс қызып кетуі;
Баллонның дұрыс сақталмауы;
Отты абайсыз пайдалану.
Өрт қауіпсіздігін сақтау үшін:
1. Газ баллондарын тек қана сертификатталған дүкендерден алыңыз.
2. Оттықты тек желдетілетін жерде пайдаланыңыз.
3. Баллонды күннің астында немесе ыстық жерде қалдырмаңыз.
4. Оттықты тұтатпас бұрын газдың ағып кетпегенін тексеріңіз.
5. Жанғыш заттарды (қағаз, бензин, ағаш қалдықтары) оттықтан аулақ ұстаңыз.
6. Пайдаланған соң вентильді жауып, баллонды салқын әрі құрғақ жерде сақтаңыз.
7. Баллонды пештің, оттың немесе электр құралдарының қасында ұстауға болмайды.
8. Балаларға газ оттығын пайдалануға тыйым салынады.
Төтенше жағдай болғанда:
Газдың иісін сезсеңіз, дереу құрылғыны өшіріп, баллонды жауып, бөлмені желдетіңіз;
Өрт немесе жарылыс қаупі туындаса, бірден «101» немесе «112» нөміріне хабарласыңыз.
⚠️ Қауіпсіздік ережелерін сақтау – өз өміріңіз бен жақындарыңыздың амандығының кепілі!
Исатай ауданы Төтенше жағдайлар бөлімі
